Monday 10 September 2007

كل سنة وأنتم طيبيين

كل عام وأنتم بخير يا جماعة رمضان خلاص على الأبواب ربنا يعيده علينا بالخير واليمن والبركات
الشهر ده بقى إن شاء الله هيبقى أجازة من التدوين علشان طبعا كلنا محتاجين نركز جامد على العبادة والطاعة ويبقى شغلنا الشاغل هو الله سبحانه وتعالي فقط لا غير منشوفش غيره ونعيش الشهر ده ليه وبه لأن بجد رمضان ده فرصة كبيره وعظيمة اوي إن ربنا يعتقنا من النار بعد كل ذنوبنا دي وكمان فرصة إنه يستجيب دعائنا وكلنا لنا طلبات وأدعية
مش هطول عليكم طبعا كلكم عارفين فضل الشهر الكريم بس عايزة أنقل لكم كام نقطة من أجمل ما سمعت
أولا : الإستعانة بالله والدعاء إنه يوفقنا إننا نؤدي العبادات بإخلاص وعلى الوجه الذي يرضاه من ومنفتكرش إن أي حاجه بنعملها في الشهر ده بمجهودنا ده بفضل الله
ثانيا: رمضان شهر لازم نغتنمه وجاي لينا بعد غيبه إحدى عشر شهرا وربنا بيحبه جدا .... فآروا الله من أنفسكم خيرا
ثالثا: لازم نركز أوي الدقيقة هتعدي علينا واحنا بنعمل ايه في رمضان
رابعا : محتاجين ناخد بالنا من معاملتنا مش من العباده بس ونرد أي مظالم ونفض أي نزاع مع حد
خامسا: نسال الله أن يتقبل منا ونسأله الثبات بعد رمضان ويكون عندنا حسن ظن بالله إنه هيتقبل
سادسا: نشكر الله على نعمه وتوفيقه لينا في الشهر الكريم ده
ربنا يكرمن جميعا ويعيننا على طاعته وذكره وشكره وحسن عبادته ولا تنسوني من صالح دعائكم وهدعيلكم كلكم بظهر الغيب إن شاء الله وأشوفكم على خير بعد العيد بإذن الله :)

11 comments:

عصفور المدينة said...

بارك الله فيك ورزقك الصحة والعافية
وبارك لك في أوقاتك
وكل عام وأنت بخير

Just a Reader said...

عصفور المدينه
آمييييين يا رب ....ربنا يكرمك وكل عام وانت بخير وصحة وسلامة وطاعة

Bride Zone said...

هو احنا بنشوفك في غير رمضان عشان نشوفك في رمضان يا مفترية :)
طب على الاقل زوروني كل سنة مرة :))

الظاهر انا وانتي اوقاتنا مختلفة تماما أصلي بدخل كل يوم ولا بصادفك..

كل سنة وانتي طيبة ويارب يجعلنا من عتقائه من النار في هذا الشهر الكريم

Eric Matt said...


كل عام وانت بخير وصحة وسلامة والى طاعة الله سبحانه وتعالى اقرب وأدوم

تحياتي لك من ماناساس البلد

Noony said...

كل سنة وانتي طيبة وبالصحة والسلامة وجميلة دايماً
جزاك الله خيراً على النصيحة الغالية
بجد وحشاني
خليني أتطمن عليكي
ومش ناسياكي من دعائي..والله لسة دعيالك النهاردة وأنا بصلي..انتي وبرايد زون

رمضان كريم يا قمر
:)
نوني

Ahmed EIssa said...

كل سنة ونتي طيبة ورمضان كريم

وحمد الله علي سلامتك

ونتقابل بعد رمضان ان شاء الله

Ahmed EIssa said...

اللهم تقبل صيامنا وقيامنا وقراننا ورمضاننا امين يارب العالمين

إبـراهيم ... said...

ربنا يبارك فيكي ويكرمك ، .. ويجزاكي خير ...


كل رمـضـان ونحن إلى الله أقرب، وعلى طـاعته أدوم

Ahmed EIssa said...

كل سنة وانتي طيبة وعيد سعيد ان شاء الله يا ست الكل

Ahmed EIssa said...

هي الاجازة لسة مخلصتش؟

Just a Reader said...

كل سنة وانتم طيبين ربنا يكرمكم كلكم ...الأجازة خلصت بس لسة مخرجتش من تأثيرها ومش عارفه أفكر في أي حاجة تتكتب ....إن شاء الله خير :)