ليه الواحد بيبقى رايح يعمل حاجه خير وناوي بيها أنه يساعد حد في أزمه لعل الله يفرج عنه أزمته
يلاقي الناس دي بتضايقه (يمكن من غير ما يشعروا) ويقابل ناس تانية تيجي على الجرح وتفكره بأزمته اللي مضايقاه ولا حيلة له فيها …. ويلاقي في الآخر نفسه مهموم من كل اللي حصل
ايه الحكمه من أنه يبغي عمل خير ويرجع مضايق ومجروح
أكيد الحكمه مش أنه يعتزل الناس ويبطل يساعدهم … مش ده اللى ربنا عايزة طبعا
اعترف أنه ممكن يكون ابتلاء فبيصبر ويحتسب وليه جزاءه في الآخره ….. أكيد آه …بس تكراره مش مفهوم
يمكن ربنا بيجعل الناس دي سبب للضيق علشان يلجأ لربنا أكتر ويدعيه يفرج أزمته … يمكن بس ده بيحصل أصلا
فيه رسالة ربانية وحكمة أنا مش قادرة أوصلها … لو حد عارفها يقولي …. ده لو أنا أصلا بقول كلام مفهوم !!
12 comments:
كانت بتقابلني المشكلة دي كثير وحليتها من فترة بحل بس غير آدمي شوية إني ما اعملش خدمة لحد إلا لما اتأكد تماما ونصا إنه محتاجها.
فيه ناس كانت بتفهمني غلط وإنه ده نوع من المن وبعدين اتعودوا على الأسلوب الذي فيه جفاء شوية في مقابل إنني لما أخدم أتفانى إلى أقصى الحدود
وأيضا لا أنتظر جزاء ولا شكور والمنة لله بس أخشى ان يتحول كا هو العادة صنيعة المعروف إلى مصدر كرب لي شخصيا وقد حدث كثيرا
وثانيا تعودت أن أقسم الناس إلى أصدقاء يهموني ومعارف لا أحزن منهم أو أتأثر بتصرفاتهم بمعنى بما إني مش حريص على صداقتهم فمن حقهم إنهم ما يكونوش حريصين علي وآهي ماشية
أقولك الحكمة
من يخالط الناس ويصبر على أذاهم خير ممن يجتنبهم ولا يأذونه ولا يأذيهم
تقريبا ده حديث للنبي صلى الله عليه وسلم
وفكرة برنامج دعوة للتعايش
وحكمة الحج وجعلناكم شعوبا وقبائل لتعارفوا إن أكرمكم عند الله أتقاكم
يمكن هيه دي الحكمة والله أعلم
انا اقولك ايه الحكمه .. الحكمه ان الشر يفضل موجود زي مالخير موجود والاتنين يتواجدوا بشكل متناقض جدا وفي نفس المواقف اللي بيتعرض ليها الانسان نفسه .. عشان يفضل دايما حر الاختيار يعمل خير او شر .. براحته
تحياتي :)
"Just A Reader"
أكيد الحكمة مش انك تعتزلى الناس وتبطلى تساعديهم والا كان كل واحد فينا دلوقتى قاعد جوه قوقعة مش بيخرج منها
وطبعا اكيد المواقف اللى بتحصل دى مش بتحصل فى عموم الحالات ولكن تأثيرها لما بتحصل بيكون شديد لدرجة انه ينسيكى المواقف الحلوة
طبعا الشيطان له دخل كبير انه يكون دوره تهدية النفوس وتضخيم الامر لأكبر من حجمه
أختى حاولى تخلى نيتك من اى عمل انه يكون كله لله ولا تنتظرى من البشر شئ طبعا الكلام ده ممكن يكون نظرى لكن والله الواحد بيحاول يجتهد ويذكر نفسه كل شوية لغاية ماتكون عادة فيه انه يكون عطّاء بدون انتظار مقابل او حتى انه يحتمل ردود الفعل الصادمة
وبعدين الأجر على قدر المشقة
اللهم ارزقنا حسن التصرف
سلامى ليكى
عصفور المدينه
شكرا على التعليق
فعلا أحسن حاجه إن الواحد يحط في باله أنه ميزعلش من كل الناس وده هيكون أريح كتير
=============
Shermen
عندك حق ...حلو أوي ما شاء الله إنه جه في بالك حكمة الحج هنا وفعلا الصبر على الأذي فيه ثواب كبير إن شاء الله
شكرا لكي
============
Mina
كلامك هايل ...الموضوع فعلا بيبقى اختبار للإنسان هيكمل في الخير ولا هيبعدد عنه
شكرا على التعليق
============
مناجاة
كلامك صح مش هينفع نعتزل الناس وأنا مش بستني الشكر من البشر إطلاقا الحمد لله أنا مشكلتي مختلفة شويه كان قصدي إنك ممكن تسمعي كلام أو يحصل موقف يضايقك ملوش علاقه أصلا بالعمل اللي انتي بتعمليه ولا بالشكر خالص ومن هنا كنت بحس إنه أكيد ربنا عمل كده لحكمة ما.
جزاك الله خيرا على ردك ورزقنا جميعا حسن التصرف
الخير موجود والشر موجود
ولازم نعمل الخير مهما حصل
تمام يا bos bos:)
تقريبا أنا سيبت كومينت هنا؟
الظاهر انه ضاع في البريد
تحياتي لك و ادعيلي ربنا يفك كربي و همي ويخليني أركز شوية
سلام من ماناساس البلد
The groom
لأ مفيش حاجة وصلت خالص ...أكيد بقى البريد أنت عارف السكة من ناساس برده مش قريبه:)
ليه الكرب بس ....ربنا يكرمك ويصلح حالك ويوفقك ويسعدك إن شاء الله
عليك بالدعاء وتنظيم الوقت وتجديد النيه وطبعا القرآن هتلاقي كله اتظبط إن شاء الله :)
شوفي هي الحياة فيها من الاثنين واحيانا كثيرة نشعر بما تقولينه ولكن دائما خلي ايمانك بربنا اكبر
وان زي ما تلاقي شر ممكن تلاقي خير مع ناس تانية
تحياتي لك
Yasmina
فعلا الاتنين موجودين بس زي ما قلتي هي حالة كده بتيجي فجأة والحمد لله إنها بتروح بفضل الله علشان نعرف نكمل تاني
شكرا لكي
السلام عليكم
لما يجى الخير على بالك اعمله فورا وحذارى من التأجيل
لو خلينا معاملتنا مع ربنا هيكون اسهل كثير من التعامل من الناس
ضرب الله مثلا رجلا فيه شركاء متشاكسون ورجلا سلما لرجل هل يستويان مثلا
Post a Comment